വിറ്റാമിൻ ഡി കുറഞ്ഞാൽ
നിങ്ങളുടെ ശരീരത്തിൻ്റെ ആവശ്യകതകൾക്കനുസരിച്ച് വിറ്റാമിൻ ഡി ലഭിക്കാതെ വരുമ്പോൾ ഉണ്ടാകുന്ന ചില ആരോഗ്യപ്രശ്നങ്ങൾ ഇവയെല്ലാമാണ്:
പലതരം പോഷകങ്ങൾ ശരീരത്തിൻ്റെ ആരോഗ്യകരമായ പ്രവർത്തനത്തിന് ഏറ്റവും അത്യാവശ്യമാണെന്ന കാര്യം നമുക്കറിയാം. നാം കഴിക്കുന്ന ഭക്ഷണങ്ങളിൽ നിന്നും ലഭിക്കുന്ന വിറ്റാമിനുകളിൽ തുടങ്ങി ചെറു ന്യൂട്രിയൻ്റുകൾ പോലും ശരീരത്തിൻ്റെ മൊത്തത്തിലുള്ള ആരോഗ്യത്തെ സ്വാധീനിക്കുന്നുണ്ട്. ഇത്തരത്തിൽ ശരീരത്തിന് ഏറ്റവും പ്രധാനപ്പെട്ട പോഷകങ്ങളിൽ ഒന്നാണ് വിറ്റാമിൻ ഡി. ഇതിൻ്റെ കുറവ് ശരീരത്തിൽ പലവിധ രോഗസാധ്യതകളിൽ തുടങ്ങി വിഷാദത്തിനും ഉൽക്കണ്ഠകളും വരെ കാരണമാകുമെന്ന് പറയപ്പെടുന്നു. നാം കഴിക്കുന്ന ഭക്ഷണങ്ങളിൽ നിന്നും മറ്റു സ്രോതസ്സുകളിൽ നിന്നുമെല്ലാം ശരീരത്തിന് വേണ്ടത്ര പോഷകങ്ങൾ ലഭിക്കാതെ വരുമ്പോഴാണ് ഇത്തരത്തിൽ ആരോഗ്യ പ്രശ്നങ്ങൾ ഉണ്ടാവുന്നത്.
എന്തുകൊണ്ട് വിറ്റാമിൻ ഡി🌞
ഭക്ഷണങ്ങളിൽ നിന്നു മാത്രമല്ല, സൂര്യപ്രകാശത്തിൽ നിന്നും നമ്മുടെ ശരീരത്തിൽ നേരിട്ട് ലഭിക്കുന്ന ഒരു പോഷകം കൂടിയാണ് വിറ്റാമിൻ ഡി. ഇന്ന് നാം നേരിടുന്ന കൊറോണ വൈറസ് ബാധയുടെ വ്യാപനം എല്ലാവരുടെയും ജീവിതരീതിയിൽ വലിയ മാറ്റങ്ങൾ ഉണ്ടാക്കിയിട്ടുണ്ട്. അണുബാധയുടെ വ്യാപനം തടയാനായി സാമൂഹിക അകലത്തിൽ തുടങ്ങി പുറത്തിറങ്ങുന്നത് വരെ നിയന്ത്രണമേറിയതായി മാറിയിരിക്കുന്നു. നമ്മളെല്ലാം കൂടുതൽ സമയം ഇപ്പോൾ ചെലവഴിക്കുന്നതും വീടുകൾക്കുള്ളിൽ തന്നെ. രോഗവ്യാപനം വരുത്തിവെച്ച ഇത്തരമൊരു പുതിയ ജീവിതരീതി നമ്മുടെയെല്ലാം ശാരീരിക വ്യവസ്ഥിതിയിൽ മറ്റൊരു പോരായ്മയെ കൂടി വിളിച്ചുവരുത്തുന്നുണ്ട്. വിറ്റാമിൻ ഡി കുറവാണത്.
വാസ്തവത്തിൽ പുറത്തിറങ്ങാൻ കഴിയാത്ത ഇത്തരമൊരവസ്ഥ ശരീരത്തിന് ആവശ്യമായ വിറ്റാമിൻ ഡി നിർമ്മിച്ചെടുക്കാനാവശ്യമായ സൂര്യപ്രകാശം എക്സ്പോഷർ ചെയ്യുന്നതിൻ്റെ അളവിനെ ഗണ്യമായി കുറച്ചിട്ടുണ്ട്. ധാരാളം ആളുകളിൽ ഇത് പോഷകാഹാരക്കുറവിൻ്റെ പ്രശ്നങ്ങളായി ബാധിച്ചുകൊണ്ട് അവരുടെ മൊത്തത്തിലുള്ള ആരോഗ്യത്തിനു വെല്ലുവിളിയായി മാറുന്നുവെന്ന് ഗവേഷണങ്ങൾ ചൂണ്ടിക്കാണിക്കുന്നു. നമ്മുടെ ശരീരം സുഗമമായി പ്രവർത്തിക്കണമെങ്കിൽ ശരീരത്തിൽ വിറ്റാമിൻ ഡി പോഷകങ്ങൾ പ്രധാനമാണ്. ഈ ആരോഗ്യ പ്രശ്നങ്ങൾ ഉണ്ടാകുന്നത് വിറ്റാമിൻ ഡിയുടെ കുറവ് മൂലമാണ്:
1️⃣അസ്ഥി വേദന💪🏻🤚🏻🦵🏻
അസ്ഥികളുടെ നിർമ്മാണ പ്രക്രിയയുടെ പ്രധാന സ്രോതസ്സായ കാൽസ്യത്തെ ശരീരത്തിനുള്ളിൽ ആഗിരണം ചെയ്തെടുക്കുന്നതിനായി നിങ്ങൾക്ക് ശരിയായ അളവിൽ വിറ്റാമിൻ ഡി ആവശ്യമാണ്. ഒരുപക്ഷേ കാൽഷ്യം കൂടുതൽ നൽകുന്ന പാലുത്പന്നങ്ങളും മറ്റും നിങ്ങൾ കൂടുതലായി കഴിച്ചെങ്കിൽ പോലും നിങ്ങളുടെ ശരീരത്തിലെ വിറ്റാമിൻ ഡി അളവ് കുറവാണെങ്കിൽ ഇത് നിങ്ങൾക്ക് പ്രയോജനം ചെയ്യില്ല. ഇതിൻ്റെ കുറവ് അസ്ഥികളേയും സന്ധികളേയും അങ്ങേയറ്റം ദുർബലപ്പെടുത്തുകയും ഈ ഭാഗങ്ങളിൽ വേദനയുണ്ടാക്കുകയും അവയുടെ ചലനാത്മകത ശേഷി കുറയുന്നതിലേക്ക് നയിക്കുകയും ചെയ്യും. അതുകൊണ്ടുതന്നെ നിങ്ങളുടെ എല്ലുകളെ എല്ലായ്പ്പോഴും ആരോഗ്യകരമായി വയ്ക്കുന്നതിതിന് നിങ്ങളുടെ കഴിക്കുന്ന കാൽസ്യത്തിൻറെ അളവിൽ മാത്രമല്ല വിറ്റാമിൻ ഡി യുടെ അളവിലും വേണ്ടത്ര ശ്രദ്ധ നൽകേണ്ടതുണ്ട്.
2️⃣വിഷാദരോഗം.🙇🏻♀️🙇♂️
സൂര്യപ്രകാശത്തിൽ നിന്നും ലഭിക്കുന്ന ഈ വിറ്റാമിന് നിങ്ങളുടെ മാനസികാവസ്ഥയെ നിയന്ത്രിക്കാനുള്ള കഴിവുണ്ട് എന്ന് വിദഗ്ധർ അഭിപ്രായപ്പെടുന്നു. വിറ്റാമിൻ ഡി യുടെ കുറവ് ഒരാളുടെ ശരീരത്തിൽ വിഷാദവും നിരാശയും ഉണ്ടാക്കുന്നു എന്ന വസ്തുത ശാസ്ത്രീയമായി തെളിയിക്കപ്പെട്ടിട്ടുണ്ട്. പബ്മെഡ് സെൻ‌ട്രലിൽ പ്രസിദ്ധീകരിച്ച ഒരു പഠനം ചൂണ്ടിക്കാണിക്കുന്നത് ശരീരത്തിൽ വിറ്റാമിൻ ഡി കുറയുന്നത് വിഷാദരോഗവുമായി ബന്ധപ്പെട്ടിരിക്കുന്നു എന്നാണ്. പ്രത്യേകിച്ച് പ്രായമായവരിലാണ് ഇതിൻ്റെ സാധ്യത കൂടുതലുള്ളത്. അതുകൊണ്ടുതന്നെ ഇടയ്ക്കൊക്കെ മാനസിക സമ്മർദ്ദം മറ്റും അനുഭവപ്പെടുമ്പോൾ ഒന്ന് പുറത്തുപോകുന്നത് നിങ്ങളുടെ മാനസികാവസ്ഥയെ ഉയർത്താൻ സഹായിക്കും.
3️⃣ കുറഞ്ഞ പ്രതിരോധശേഷി.🥵🤒🤕
വിറ്റാമിൻ ഡി നമ്മുടെ ശരീരത്തിൻ്റെ രോഗപ്രതിരോധ ശേഷിയെ നേരിട്ട് ബാധിക്കാൻ സാധ്യതയുള്ള ഒന്നാണ്. അത് അണുബാധകൾക്കും രോഗങ്ങൾക്കും എതിരെ പോരാടാനുള്ള ശരീരത്തിന്റെ കഴിവിനെ ഏറ്റവും സാരമായി ബാധിക്കുന്നു. ഈയൊരു വിറ്റാമിന്റെ അഭാവം നിങ്ങളെ വളരെ പെട്ടെന്ന് തന്നെ രോഗികളാകാൻ ഇടയാക്കും. വാസ്തവത്തിൽ ചെറിയൊരു ജലദോഷമോ പനിയോ തുടങ്ങിയ രോഗങ്ങളിൽ പോലും ഇത്ര വലിയ രീതിയിൽ സ്വാധീനം ചെലുത്തുമെന്ന് ജർമ്മനിയിലെ ജെന യൂണിവേഴ്സിറ്റി നടത്തിയ പഠനത്തിൽ പ്രതിപാദിക്കുന്നു. താഴ്ന്ന അളവിലുള്ള വിറ്റാമിൻ ഡി നില ശ്വാസകോശ രോഗങ്ങളുടെ തീവ്രതയ്ക്കും കാരണമാകുമെന്നും വിദഗ്ധർ അഭിപ്രായപ്പെടുന്നു.
4. ക്ഷീണം.🥱😮💨🥴
നിങ്ങൾ നന്നായി ഉറങ്ങുകയും നന്നായി വിശ്രമത്തിൽ ഏർപ്പെടുകയും ചെയ്യുന്നുണ്ടെങ്കിൽ പോലും ക്ഷീണത്തിന്റെ ലക്ഷണങ്ങൾ നിങ്ങൾക്ക് ഉണ്ടാകുന്നുണ്ടെങ്കിൽ ഇതിനർത്ഥം നിങ്ങളുടെ ശരീരത്തിൽ വിറ്റാമിൻ ഡി യുടെ അളവ് കുറവാണെന്ന് തന്നെയാണ്. ഇത്തരം കുറവുകളെ ആദ്യഘട്ടത്തിൽത്തന്നെ ശ്രദ്ധിച്ചില്ലെങ്കിൽ, ശരീരത്തിലെ മുഴുവൻ ആരോഗ്യസ്ഥിതിയേയും ഇത് ബാധിക്കാൻ തുടങ്ങും. പതിയെപ്പതിയെ ഇത് ദിവസവുമുള്ള നിങ്ങളുടെ ചുമതലകൾ കൃത്യമായി ചെയ്തു തീർക്കുന്നതിനുള്ള കഴിവിനെയും, ഊർജ്ജ നിലകളെയും ബാധിച്ചു കൊണ്ട് ദൈനംദിന ജീവിതത്തിൽ അസ്വസ്ഥതകൾ സൃഷ്ടിക്കാൻ തുടങ്ങും. ഇത്തരം പ്രശ്നങ്ങളെ കുറയ്ക്കുന്നതിനായി ശരീരത്തിൽ ആവശ്യകമായ വിറ്റാമിൻ ഡി അളവ് നിലനിർത്തേണ്ടതുണ്ട്.
5. മുടി കൊഴിച്ചിൽ.🙆🏼♀️🙆🏼♂️
സൗന്ദര്യസംരക്ഷണത്തിൻ്റെ കാര്യത്തിൽ ഒരാൾ ഏറ്റവും ശ്രദ്ധ നൽകുന്ന ഒന്നാണ് തലമുടിയുടെ കാര്യം. തലയിൽ നിന്നും ഒരോ മുടി കൊഴിഞ്ഞു പോകുന്നത് പോലും ഒരാളിൽ ഉണ്ടാക്കുന്ന വിഷമങ്ങൾ ചെറുതല്ല. ഒരാളിൽ ഇത്തരത്തിൽ മുടികൊഴിച്ചിൽ അമിതമാകുന്നതിന് പിന്നിൽ വിറ്റാമിൻ ഡിയുടെ കുറവ് ഒരു പ്രധാന കാരണമായി മാറുന്നുണ്ട് എന്ന കാര്യം അറിയാമോ ? സമ്മർദ്ദം, മലിനീകരണം തുടങ്ങിയ ഘടകങ്ങൾക്ക് പുറമെ, മുടി കൊഴിച്ചിലിന് പിന്നിലെ മറ്റൊരു കാരണം ഇത്തരത്തിലുള്ള പോഷകങ്ങളുടെ കുറവാണ്. ഒരാളുടെ ശരീരത്തിൽ വിറ്റാമിൻ ഡി യുടെ കുറവുണ്ടെങ്കിൽ അത് മുടി കൊഴിച്ചിലിന് കാരണമായി മാറുന്നു. കടുത്ത മുടികൊഴിച്ചിൽ ഉണ്ടാക്കുന്ന അലോപ്പീഷ്യ അരാറ്റ എന്ന രോഗത്തിന് പിന്നിലെ പ്രധാന കാരണം ഈയൊരു വിറ്റാമിന്റെ കുറവ് മൂലമാണ് എന്ന് കണ്ടെത്തിയിരിക്കുന്നു.
പരിഹാരം...
വിശദമായി അറിയാൻ ഈ വീഡിയോ കാണുക
നിങ്ങൾക് മുട്ടിവേധന പോലെയുള്ള പ്രശ്നങ്ങൾ ഉണ്ടോ? പരിഹാരം ഈ വീഡിയോ വീഡിയോ കാണുക
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ