തണുപ്പ് കാലത്തെ ചര്‍മപ്രശ്നങ്ങൾ
തണുപ്പ് കാലത്ത് ചര്‍മം വലിയുക, ചുണ്ട് വരണ്ട് പൊട്ടുക തുടങ്ങി കാത്തിരിക്കുന്നത് നിരവധി ചര്‍മപ്രശ്നങ്ങളാണ്.സ്വതവേ വരണ്ട ചര്‍മമുള്ളവരാണെങ്കില്‍ പറയുകയും വേണ്ട.
മഞ്ഞുകാലം അവര്‍ക്ക് പേടിസ്വപ്നമായിരിക്കും. വെളിച്ചെണ്ണയേയും പെട്രോളിയം ജെല്ലിയേയും മോയ്ചറൈസറുകളേയും കൂട്ടുപിടിച്ചായിരിക്കും പലരും മഞ്ഞുകാലത്തോട് പൊരുതുന്നത്.
മഞ്ഞുകാലമായാല്‍ ചര്‍മം ഏതുതരത്തിലുള്ളതാണെങ്കിലും പൊതുവെ എല്ലാവരും അഭിമുഖീകരിക്കുന്ന പ്രശ്നമാണ് ചുണ്ടുകള്‍ വരണ്ടുപൊട്ടുന്നത്. തൊലി അടര്‍ന്നും പൊട്ടിയും ഇരിക്കുന്ന ചുണ്ടുകള്‍ പലരുടെയും ആത്മവിശ്വാസം തന്നെ കെടുത്തും. ലിപ്സ്റ്റിക് സ്ഥിരമായി ഇടുന്നവരാണെങ്കില്‍ പ്രശ്നങ്ങള്‍ കുറേക്കൂടി രൂക്ഷമാകും. എന്നാല്‍ ചുണ്ടിന്റെ സ്വാഭാവിക ഭംഗി നിലനിര്‍ത്താന്‍ ചില പൊടിക്കൈകളുണ്ട്.
കാലാവസ്ഥയ്ക്ക് പുറമെ വൈറ്റമിന്‍ കുറവ്, സോപ്പ്, പൗഡര്‍, മറ്റ് സൗന്ദര്യവര്‍ധക വസ്തുക്കള്‍ എന്നിവ മുഖേനയും ചുണ്ട് വരണ്ട് പൊട്ടാം. അതുപോലെ തന്നെ ശരീരത്തില്‍ ആവശ്യത്തിന് വെള്ളമെത്തുന്നില്ലെങ്കിലും ചുണ്ട് 'ഡ്രൈ' ആകാം.
ചുണ്ട് പൊട്ടുന്നത് തടയാന്‍ ലിപ് ബാമുകള്‍ മഞ്ഞുകാലത്ത് പതിവാക്കാം. ലിപ് സ്റ്റിക്ക് ഉപയോഗിക്കുന്നവരാണെങ്കില്‍ മഞ്ഞ് കാലത്ത് ഓയിലി ആയ ലിപ് സ്റ്റിക്കോ, ലിപ് ബാമോ ഉപയോഗിക്കണം. മാറ്റെ ലിപ്സ്റ്റിക്ക് കഴിവതും ഒഴിവാക്കുക. അതുപോലെ പൗഡര്‍ പോലുള്ള ഉത്പന്നങ്ങളും ചുണ്ടില്‍ പ്രയോഗിക്കേണ്ട. ലിപ്സ്റ്റിക്ക് നീക്കം ചെയ്യുമ്ബോഴാകട്ടെ, ആലോവേറ അടങ്ങിയിട്ടുള്ള ക്ലെന്‍സിംഗ് ജെല്‍ ഉപയോഗിക്കാം.രാത്രിയില്‍ കിടക്കുന്നതിന് മുമ്ബ് ആല്‍മണ്ട് ക്രീമോ ആല്‍മണ്ട് ഓയിലോ ചുണ്ടില്‍ പുരട്ടാം. ഇതും ചുണ്ട് പൊട്ടുന്നത് തടയും.
മഞ്ഞുകാലം ചര്‍മത്തിന് ഏറ്റവുമധികം ശ്രദ്ധ കൊടുക്കേണ്ട സമയമാണ്. തണുത്ത കാലാവസ്ഥ നിങ്ങളുടെ ചര്‍മ്മത്തെ വരണ്ടതും മങ്ങിയതുമാക്കും
ഡിസംബര്‍ ജനുവരി മാസങ്ങള്‍ പൊതുവെ ചര്‍മസംരക്ഷണത്തിന് പ്രാധാന്യം കൂടുതല്‍ നല്‍കേണ്ട സമയമാണ്.തണുത്ത കാറ്റും മഞ്ഞുവീഴ്ചയുള്ള പ്രദേശങ്ങളും കാണാനും ആസ്വദിക്കാനും സുഖകരമായി തോന്നുമെങ്കിലും, മുടിയിലും ചര്‍മ്മത്തിലും അത് മോശാവസ്ഥയാണ് സൃഷ്ടിക്കുന്നത്. ശീതകാലം എപ്പോഴും തിളക്കം ഇല്ലാത്ത വരണ്ട ചര്‍മ്മത്തെ നല്‍കുന്നു. മഞ്ഞുകാലത്ത് നിങ്ങള്‍ നിര്‍ബന്ധമായും പാലിക്കേണ്ട ചില ചര്‍മ്മസംരക്ഷണ ടിപ്സുകള്‍
1. ചര്‍മം ശുദ്ധീകരിക്കാനായി ക്ലെന്‍സര്‍ ഉപയോഗിക്കുക
മഞ്ഞുകാലം ക്രീം ക്ലെന്‍സറുകളിലേക്ക് മാറാനുള്ള സമയമാണ്. എണ്ണ അടിസ്ഥാനമാക്കിയുള്ള ഫോമിംഗ് ക്ലെന്‍സറാണ് തിരഞ്ഞെടുക്കേണ്ടത്. ഇതിന് പകരമായി ശുദ്ധമായ എണ്ണ ഉപയോഗിച്ച്‌ ചര്‍മം വൃത്തിയാക്കാന്‍ ശ്രമിക്കുക. ഗ്രൗണ്ട് ഓട്സ് മീല്‍ സ്ക്രബ് തേന്‍ ചര്‍മ്മത്തെ സ്വാഭാവികമായി വൃത്തിയാക്കാന്‍ സഹായിക്കുന്നു. അതിനായി കുറച്ച്‌ ഉണങ്ങിയ ഓട്സ് പൊടിച്ച്‌ പാലില്‍ കലര്‍ത്തി തേനുമായി യോജിപ്പിക്കുക. ഈ മിശ്രിതം നാച്ചുറലായുള്ള സ്ക്രബായി ഉപയോഗിക്കാവുന്നതാണ്.
2. ദിവസത്തില്‍ രണ്ടുതവണയെങ്കിലും മോയ്സ്ചറൈസ് ചെയ്യുക
മഞ്ഞുകാലത്ത് ചര്‍മ്മത്തിലെ ഈര്‍പ്പം വളരെ എളുപ്പത്തില്‍ നഷ്ടപ്പെടുന്നതിനാല്‍ ചൂടുള്ള ഷവറിന് ശേഷം ഉടന്‍ തന്നെ നല്ല മോയ്സ്ചുറൈസര്‍ ഉപയോഗിക്കുക. ഈര്‍പ്പം തടയാന്‍ ആഴ്ചയില്‍ ഒന്നോ രണ്ടോ തവണ ഹൈഡ്രേറ്റിംഗ് മാസ്ക് പുരട്ടി വരണ്ട ചര്‍മ്മം സംരക്ഷിക്കുക.
3. എല്ലാ ദിവസവും സണ്‍സ്ക്രീന്‍ ധരിക്കുക
ശീതകാലത്ത് സൂര്യപ്രകാശമേല്‍ക്കുന്നത് ചര്‍മ്മത്തിന് കൂടുതല്‍ ദോഷകരമാണെന്നതിനാല്‍ ഇത് ചര്‍മത്തിന്റെ പിഗ്മെന്റേഷന്‍ വര്‍ദ്ധിപ്പിക്കുകയും, ചര്‍മ്മത്തിന് പ്രായക്കൂടുതല്‍ തോന്നിക്കാന്‍ കാരണമാകുന്നു.
4. രാത്രിയില്‍ പുരട്ടുന്നതിനായി നൈറ്റ് ക്രീം തിരഞ്ഞെടുക്കുക
ചര്‍മ്മം സ്വയം നന്നാക്കുന്ന സമയമാണ് രാത്രി. പിഗ്മെന്റേഷന്‍ കുറയ്ക്കുന്നതോ അല്ലെങ്കില്‍ ആന്റി-ഏജിംഗിന് സഹായകമായതോ ആയിട്ടുള്ള ഒരു നൈറ്റ് ക്രീം തിരഞ്ഞെടുക്കാന്‍ ശ്രമിക്കുക
5. വെള്ളം നന്നായി കുടിക്കുക
മഞ്ഞു കാലത്ത് വിയര്‍ക്കുന്നില്ലെന്നു കരുതി വെള്ളം കുടിക്കുന്ന അളവില്‍ യാതൊരു കുറവും വരുത്തരുത്. ദാഹം അനുഭവപ്പെട്ടില്ലെങ്കിലും 8 ഗ്ലാസില്‍ കുറയാത്ത വെള്ളം നിര്‍ബന്ധമായും കുടിക്കേണ്ടതാണ്. വെള്ളം കുടിക്കുന്നതിന്റെ അഭാവം ചര്‍മ്മത്തില്‍ ഉടനടി കാണാന്‍ സാധിക്കും. ഇത് നിങ്ങളുടെ ചര്‍മ്മത്തെ മങ്ങിയതാക്കും.
6. ശരിയായ നേരത്ത് കഴിക്കുക
.ശീതകാലം വിശപ്പുണ്ടാക്കും. ലഘുഭക്ഷണം കഴിക്കാന്‍ തോന്നുമ്ബോള്‍ ഉണങ്ങിയ പഴങ്ങളും പരിപ്പും കഴിക്കുക. ശൈത്യകാലത്ത് നിങ്ങളുടെ ശരീരത്തിന് ഊഷ്മളതയും ആരോഗ്യവും നല്‍കുന്ന പച്ച ഇലക്കറികള്‍, പഴങ്ങള്‍, തിനകള്‍ എന്നിവ ഉള്‍പ്പെടുത്താന്‍ മറക്കരുത്.
7. വ്യായാമം ശീലമാക്കുക
തിളങ്ങുന്ന ചര്‍മ്മത്തിന്റെ താക്കോലാണ് വ്യായാമം. വിയര്‍പ്പ് നിങ്ങളുടെ ശരീരത്തില്‍ നിന്ന് വിഷവസ്തുക്കളെ നീക്കം ചെയ്യുന്നു. നിങ്ങള്‍ എത്രയധികം ജോലി ചെയ്യുകയും വിയര്‍ക്കുകയും ചെയ്യുന്നുവോ അത്രയധികം ചര്‍മ്മത്തിന് സ്വാഭാവിക തിളക്കം ലഭിക്കുന്നത് നിങ്ങള്‍ക്ക് കാണാന്‍ കഴിയും.
8.നന്നായി ഉറങ്ങുന്നത് സൗന്ദര്യം വര്‍ദ്ധിപ്പിക്കും
നന്നായി ഉറങ്ങുന്നതിലൂടെ ചര്‍മത്തിലെ ഇരുണ്ട വൃത്തങ്ങളും കരുവാളിപ്പുകളും ചര്‍മ്മ വൈകല്യങ്ങളും കുറയും.മഞ്ഞുകാലത്ത് ചര്‍മ്മത്തിന് ശരിയായ സംരക്ഷണം നല്കിയാല്‍ കൂടുതല്‍ പ്രസന്നതയോടെ തേജസ്സോടെ ചെറുപ്പമായിരിക്കുവാനും വരള്‍ച്ച ഒഴിവാക്കുവാനും കഴിയും
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ